Google+ Adolphsdorf - Das freundliche Dorf im Teufelsmoor: Petitschoon för dat Plattdütsche Google+

Donnerstag, 24. November 2016

Petitschoon för dat Plattdütsche

Dat is nu en halv Johrs Tiet her, dat de Länner dat INS schreven hebbt, se wüllt uns för de Plattdüütsch-Arbeit keen Geld mehr geven. Woso, dor hebbt se keen richtige Antwoort op geven, se hebbt wat schreven vun "demographischer Wandel", "sich wandelnde Mediengesellschaft" un "regional unterschiedliche Interessen". Dat INS hett versöcht, mit de Länner, vör allen aver mit dat Land Bremen to snacken. So richtig veel is dor bet nu nich bi rutsuert. Wi hebbt Poppiern vörleggt, över de nu tominnst snackt warrt. An uns Siet steiht de Bund, de ok kloor dat infordern deit, wat de Sprakencharta verlangt.

Bet nu hebbt wi vun't INS nich dull op den Putz haut. In de Zeitung hett jümmers blots mal en lütt beten stahn, ok an Radio un Fernsehn sünd wi vun uns ut nich rangahn. Wi wullen nix tweimaken, wat sik dor as Perspektiven an de Kimm wiesen dee.

Vör dree Weken hett nu en Vereen ut de Neegde vun Staad en Petitschoon in't Internet rinsett. Dor hebbt sik al wiet över dusend Lüüd inschreven. Wi meent, dat is en Instrument, dat för uns Saak goot is. So köönt de Sprekers wiesen: Wi bruukt dat INS ok in Tokunft för jeedeen, de wat vun de Spraak wat to weten kriegen will.

Mag ween un wi schafft dat op düssen Weg, de staatlichen Verwaltungen un de Politik to övertügen, dat för de plattdüütsche Spraak un Kultur en Institut unbedingt nödig is. Un ok wenn düsse Breef sik an Neddersassen wennt - meent sünd ok Schleswig-Holsteen, Bremen un Hamborg. Un de weet dat ok.

Dat Institut för nedderdüütsche Spraak "INS" in Bremen steiht op de de Kipp, wiel de Länner dat Institut finanziell nich mehr ünner de Arms griepen wüllt.

Ünnerschriften för dat "INS"

Plattdütsche Norichten givt dat bi Radio Bremen und bin den NDR