Google+ Adolphsdorf - Das freundliche Dorf im Teufelsmoor: Plattsnackers-Club in Adolphsdorf Google+

Montag, 17. November 2014

Plattsnackers-Club in Adolphsdorf

Ick wet dat gift veele lüde, de schnackt platt. De snackt oog gern platt, eck oog. Eck kann allens verstohn. As eck jung weer, dor heb eck jümmer bi den Plattdütschen Hörspeeln bi Radio Bremen tolustert. Un eck heb mi högt. Hinnerk Heidschnuck, denn kennt ji oog noch, oder? In Bremen ober, dor weer dat so, dat een nich jimmers platt snacken kunn. Un so bin eck bi dat "Hoge Dütsch" hangen bleben.

Watt ick egentlich vertellen wull..... de Inge Helmke ha letzt een goode Idee. Se hett vorsloon een Plattsnackers-Club in Adolphsdorf to mooken. De Lüd shüt im DHG tohopkummen, villicht bi Kaffee un Koken, un eenfach miteenander snacken. Mach sin, dat dat eenmol im Monat is, oder all dree Monate. Ick weet dat nich. Aber Inge Helmkes Idee schall nich ünnern Disch fallen. Platt is in, as se dat op dat nege Hogdütsch segst, un eck fin dat is een fein Idee!

Leve Leser, wenn se düssen Artikel leest, dann kanns marken, Plattdütsch snaken is eenfach, oder dat upschrieven is nich eenfach. Ick kenn keen Nokixel för dat plattdütsche Woort. Keene "Rechtschreibung". Du snaks eenfach as di dat Muhl wussen ist, und so schrifst Du dat oog op. Eenfach so as bi den jährlichen NDR-Wettbewerb int Radio "Vertell doch mol". De kummt im Februar all woller. So, un nu mine Frog, hebt ji dat allens verstohn? Bit demnächst!